Xidmət Sahələri

Əmək Münasibətləri

Əmək hüququ əmək münasibətlərini tənzimləyən qanunvericiliyin müstəqil sferasıdır. Azərbaycan Respublikasında əmək münasibətlərini tənzimləyən əsas qanunvericilik aktı 1 fevral 1999-cu ildə təsdiq edilmiş Azərbaycan Respublikasının Əmək Məcəlləsi və həmin məcəlləyə edilən dəyişikliklər və əlavələrdir.

Mülki Hüquq

Mülki hüquq — fiziki və hüquqi şəxslərin hüquqi vəziyyətini, onların əmlak və şəxsi qeyri əmlak hüquqlarının əmələ gəlməsi əsaslarını və həyata keçirilməsi və xitam verilməsi qaydasını müəyyənləşdirən, müqavilə ilə yaranan öhdəlik münasibətlərini və əmlak və şəxsi qeyri əmlak münasibətlərini tənzimləyən hüquq sahəsidir.

Ailə Hüququ

Hüquq sahəsi olaraq ailə hüquq ictimai münasibətlərin müəyyən növünü – ailə münasibətlərini, yəni nikah faktından meydana gələn və ailəyə mənsub olan münasibətləri tənzim edir. Ailə münasibətləri nikah, qohumluq, analıq, atalıq, övladlığa götürmə, uşağı tərbiyə etmək üçün ailəyə qəbuletmə hüquqi faktlardan əmələ gəlir.

Korporativ Hüquq

Korporativ hüquq – kommersiya hüququ institutu olaraq, özündə hüquqi şəxsin təsis olunmasını və fəaliyyəti ilə bağlı münasibətlərin hüquqi nizamlanmasının xüsusi və ümumi metodlarını, davranış norma və qaydalarının vəhdətini təşkil edir. Korporativ hüquq elmi dedikdə təşkilatın hüquqi tənzimlənməsi və fəaliyyəti haqda olan dinamik inkişaf edən bilik sahəsi başa düşülür.

Əmlak Məsələləri

Daşınmaz əmlak hüququ dedikdə, daşınmaz əmlakla bağlı yaranan istənilən münasibətlərin hüquqi həlli yolları nəzərdə tutulur. Buraya daşınmaz əmlakın alqı-satqısı, onun sənədləşdirilməsi, sənədsiz daşınmaz əmlaka sənədlərin alınması, eləcə də daşınmaz əmlakın icarəsi və icarə müqavilələrinin düzgün şəkildə bağlanması nəzərdə tutulur.

Cinayət & İnzibati

Cinayət hüququnun toxunduğu bütün məsələlər cinayyət və cəza ilə sıx surətdə və bilavastə əlaqədardır. İnzibati hüquq idarəetmə fəaliyyətini həyata keçirən normaların məcmusundan ibarətdir. İnzibati hüquqla tənzimlənən ictimai münasibətlər xarakterinə, məzmununa və təyinatına görə müxtəlifdir. İnzibati hüququn predmetini dövlət idarəçiliyinin predmeti təşkil edir.