İlk görüş
Vəziyyətinizi dinləyir, sənədlərə baxır və mümkün yolları izah edirəm. Görüş ofisdə, telefonla və ya onlayn ola bilər.
Əlinizdə olan bütün sənədləri gətirin.
Nə alırsınızVəziyyətin ilkin qiymətləndirilməsi və mümkün yollar
Avropa İnsan Hüquqları Məhkəməsi üzrə vəkil
Hüquqlarınız pozulubsa və bütün daxili hüquqi müdafiə vasitələri tükənibsə, Avropa İnsan Hüquqları Məhkəməsinə şikayət vermək olar. Şikayəti qəbuledilənlik şərtlərinə uyğun hazırlayır, işi Strasburqda qərar çıxarılana və icra olunana qədər müşayiət edirəm.
Nə ilə kömək edirəm
- Şikayətin qəbuledilənlik şərtlərinə uyğunluğunun qiymətləndirilməsi: daxili vasitələrin tükənməsi, dörd aylıq müddət
- Ərizənin Məhkəmənin rəsmi formasında hazırlanması və sənədlərlə birlikdə göndərilməsi
- Təcili hallarda müvəqqəti tədbirlərin tətbiqi barədə müraciət (Reqlamentin 39-cu qaydası)
- Hökumətin mövqeyinə cavab qeydlərinin hazırlanması və Məhkəmə ilə yazışma
- Ədalətli kompensasiya tələbi və dostluq yolu ilə nizamlama
- Qərarın icrasının izlənilməsi və milli məhkəmələrdə işə yenidən baxılması üçün müraciət
Bu sahə üzrə təlimlər
- İyun 2019Avropa İnsan Hüquqları Konvensiyasına və Avropa İnsan Hüquqları Məhkəməsinə girişAvropa Şurası, HELP proqramı
- 27 Fevral 2019Avropa İnsan Hüquqları Məhkəməsinə müraciət şərtləri və qaydasıAlmaniya Beynəlxalq Əməkdaşlıq Cəmiyyəti (GIZ)
- 17 May 2018Avropa İnsan Hüquqları Konvensiyasının 8-ci maddəsinə dair seminarAvropa Şurası və AR Ədliyyə Nazirliyi
İş necə gedir
Təhlil və mövqe
Sənədləri, qanunvericiliyi və məhkəmə təcrübəsini öyrənirəm. Mövqeyi və sübutları birlikdə müəyyən edirik.
Nə alırsınızHüquqi mövqe və sübutların siyahısı
Müqavilə
İşin həcmi, qonorar və müddətlər yazılı müqavilədə göstərilir. Bundan sonra işə başlayıram.
Nə alırsınızİmzalanmış müqavilə və iş planı
Təmsilçilik
Sənədləri hazırlayır, istintaqda və məhkəmədə sizi təmsil edirəm, hər mərhələ barədə məlumat verirəm.
Nə alırsınızHər mərhələ üzrə hesabat və məhkəmə sənədləri
Bu mövzuda suallar
Avropa Məhkəməsinə nə vaxt müraciət etmək olar?
Bütün daxili hüquqi müdafiə vasitələri, adətən Ali Məhkəməyə qədər, tükəndikdən sonra. Şikayət son milli qərardan sonra dörd ay ərzində verilməlidir.
Şikayət hansı dildə yazılır?
İlkin şikayəti Azərbaycan dilində vermək olar. İş Hökumətə kommunikasiya edildikdən sonra yazışma, bir qayda olaraq, Məhkəmənin rəsmi dillərində — ingilis və ya fransız dilində aparılır.
Avropa Məhkəməsi milli məhkəmənin qərarını ləğv edə bilərmi?
Xeyr. Məhkəmə Konvensiyanın pozulub-pozulmadığını müəyyən edir və ədalətli kompensasiya təyin edə bilər. Pozuntunu tanıyan qərar milli məhkəmələrdə işə yenidən baxılması üçün əsas ola bilər.
Vəziyyətinizi yazın
Nə baş verdiyini qısaca yazın. Cavab verib ilk addımı təklif edəcəyəm.