İlk görüş
Vəziyyətinizi dinləyir, sənədlərə baxır və mümkün yolları izah edirəm. Görüş ofisdə, telefonla və ya onlayn ola bilər.
Əlinizdə olan bütün sənədləri gətirin.
Nə alırsınızVəziyyətin ilkin qiymətləndirilməsi və mümkün yollar
Boşanma və aliment işləri üzrə vəkil
Nikahın məhkəmə qaydasında pozulması, uşaqların yaşayış yerinin müəyyən edilməsi, alimentin təyini və ər-arvadın ümumi əmlakının bölgüsü.
Nə ilə kömək edirəm
- Boşanma iddiasının hazırlanması və məhkəmədə təmsilçilik
- Uşaqların yaşayış yeri və valideynlə ünsiyyət qaydası
- Alimentin təyini, artırılması və ya azaldılması
- Ümumi əmlakın bölgüsü
Bu sahə üzrə təlimlər
- 21 Aprel 2022BMT-nin uşaq hüquqlarının müdafiəsi sahəsində insan hüquqları alətləri və mexanizmləriBMT İnsan Hüquqları üzrə Ali Komissarlığı
- 11 Fevral 2022Ailə hüququ və insan hüquqlarıAvropa Şurası, HELP proqramı
İş necə gedir
Təhlil və mövqe
Sənədləri, qanunvericiliyi və məhkəmə təcrübəsini öyrənirəm. Mövqeyi və sübutları birlikdə müəyyən edirik.
Nə alırsınızHüquqi mövqe və sübutların siyahısı
Müqavilə
İşin həcmi, qonorar və müddətlər yazılı müqavilədə göstərilir. Bundan sonra işə başlayıram.
Nə alırsınızİmzalanmış müqavilə və iş planı
Təmsilçilik
Sənədləri hazırlayır, istintaqda və məhkəmədə sizi təmsil edirəm, hər mərhələ barədə məlumat verirəm.
Nə alırsınızHər mərhələ üzrə hesabat və məhkəmə sənədləri
Bu mövzuda suallar
Boşanma üçün hansı sənədlər lazımdır?
Adətən iddia ərizəsi, nikah haqqında şəhadətnamə, uşaqların doğum haqqında şəhadətnamələri, şəxsiyyət vəsiqələrinin surətləri və dövlət rüsumunun ödənilməsi barədə qəbz tələb olunur. Dəqiq siyahı işin hallarından asılıdır, onu ilk görüşdə birlikdə müəyyən edirik.
Həyat yoldaşım boşanmağa razı deyil. Nə etməli?
Razılıq olmadıqda nikah məhkəmə qaydasında pozulur. Məhkəmə tərəflərə barışmaq üçün müddət verə bilər. Belə işlərdə mövqeyi və sübutları əvvəlcədən hazırlamaq vacibdir.
Alimentin məbləği necə müəyyən edilir?
Aliment valideynin gəlirindən pay şəklində və ya sabit pul məbləğində təyin oluna bilər. Gəlir və ya ailə vəziyyəti dəyişdikdə məbləğ məhkəmə qaydasında artırıla və ya azaldıla bilər.
Vəziyyətinizi yazın
Nə baş verdiyini qısaca yazın. Cavab verib ilk addımı təklif edəcəyəm.